প্ৰাণী ৰাজ্যৰ অন্তৰ্ভুক্ত জীৱবিলাক বহুকোষী আৰু সংকোষকেন্দ্ৰীয়। ইহঁতৰ কোষত কোষবেৰ নাথাকে। এইবিলাকৰ দেহৰ গঠন জটিল আৰু ইহঁত পৰপুষ্ট ।
এই ৰাজ্যৰ অন্তৰ্ভুক্ত জীৱৰ সাধাৰণ বৈশিষ্ট্যবোৰ হ’ল :
(i) এইবিলাক বহুকোষী, সংকোষকেন্দ্রীয় জীৱ। কোষত কোষবেৰ নাথাকে, কোষাবণখনেই ইয়াৰ বহিঃসীমা ।
(ii) ইহঁতৰ দেহৰ গঠন জটিল। এই জীৱবিলাকত বহুতো কোষৰ দ্বাৰা উন্নত কলাৰ সৃষ্টি হৈ বিভিন্ন অংগতন্ত্র গঠন কৰি জৈৱিক কাৰ্য সমাধা কৰে ৷
(iii) যিহেতু এইবোৰে খাদ্য ভক্ষণ (Ingestion) কৰে সেয়ে ইহঁতক ভক্ষক বা উপভোক্তা (Consumer) বোলে।
(iv) বেছিভাগ জীৱৰ দেহতেই সুসংগঠিত চলন অংগ থাকে বাবে ইহঁতৰ বেছিভাগেই চলন কাৰ্য সম্পন্ন কৰিব পাৰে ।
(v) ইহঁতে সাধাৰণতে যৌন পদ্ধতিৰে বংশবৃদ্ধি কৰে ।
লগতে চাওকঃ মনেৰা ৰাজ্য , বৰ্গ আৰু গোত্ৰ , শেলাই আৰু ভেঁকুৰ , প্ৰটিষ্টা ৰাজ্য , জীৱবৈচিত্র্য