কতেনো থমকিলে বাটৰুৱা মন
হেঁপাহৰ ৰাগি লাগি উতনুৱা মন
দাপোনত কাক দেখি আজি পাগল মন
হিয়াতে সাঁচি থলোঁ গধূলি মগন
ৰাখিবি যতনেৰে ফাগুনক মোৰ
বতাহে উৰুৱাব মন
নাযাবি থৈ ফাগুনক দোমোজাত মোৰে কাষত
খেলিমেলি সেন্দুৰীয়া বুকু যে লাজত
বনৰীয়া ফুলবোৰ যেন তোৰ গাৰে কাচং, সাতোৰঙী ৰামধেনু
সৰু সৰু কথাবোৰ
পাহে পাহে আঁকিলো
পথৰুৱা বাটতে মৌ-পিয়া মৌ-পিয়া সাধুকথা
এধানি এধানি জোনাকী সামৰা
চিকুণ চিকুণ হেঁপাহবোৰ
গুটিমালী গুটিমালী আশাবোৰ
সুহুৰিতে বকুল গধূলি কবিতা
জোনাকীৰে জাকে থৈ আহে
মোৰ আহিনক তোৰে কাষতে
নাযাবি থৈ আহিনক দোমোজাত মোৰে কাষত
খেলিমেলি সেন্দুৰীয়া বুকু যে লাজত
বনৰীয়া ফুলবোৰ যেন তোৰ গাৰে কাচং, সাতোৰঙী ৰামধেনু
সৰু সৰু কথাবোৰ
পাহে পাহে আঁকিলো
পথৰুৱা বাটতে মৌ-পিয়া মৌ-পিয়া সাধুকথা
Composition and music arrangement : Shankuraj Konwar
Lyrics : Maitrayee Patar