বাঁহ গছ | বাঁহ গছৰ প্ৰজাতি | জাতি বাঁহ | ভলুকা বাঁহ | বিজুলী বাঁহ | কাক বাঁহ | দলৌ বাঁহ | বৰবাঁহ | বজালবাঁহ :
বাঁহ গছ এবিধ ঘাঁহ জাতীয় বৰ ওখ গছ। বাঁহ গছ পৃথিৱীৰ ভিতৰত খুব কম সময়ত ক্ষীপ্ৰতাৰে বৃদ্ধি হোৱা গছসমূহৰ ভিতৰত অন্যতম। এই গছ দক্ষিণ এছিয়াৰ দেশসমূহত অৰ্থনৈতিক আৰু সাংস্কৃতিক প্ৰমূল্য উল্লেখনীয়। দক্ষিণ এছিয়া আৰু পূব এছিয়াত ইয়াক গৃহ নিৰ্মান, কাগজ, ঘৰুৱা সামগ্ৰী, খাদ্যৰ উত্স আদি বিভিন্ন প্ৰকাৰৰ কামত ব্যৱহাৰ কৰা হয়। অসমৰ হাবিত ২৬ বিধ বাঁহ প্ৰজাতি পোৱা যায় আৰু ইহঁত গ্ৰেমিনি বা পয়েছি গোত্ৰৰ অন্তৰ্গত। বাঁহ গছ ২৪ ঘণ্টাত ৪৭.৫ ইঞ্চিলৈকে বৃদ্ধি হয়।
প্ৰজাতি
অৰ্থনৈতিক গুৰুত্বসম্পন্ন বাঁহ প্ৰজাতিবোৰৰ ভিতৰত জাতি বাঁহ, ভলুকা বাঁহ, বিজুলী বাঁহ, কাক বাঁহ, দলৌ বাঁহ, বৰবাঁহ, বজালবাঁহ আদি।
বাঁহ গছৰ ব্যৱহাৰ
ব্যৱহাৰিক মূল্যৰ কথালৈ লক্ষ্য কৰি বাঁহ উদ্ভিদক সততে “সেউজীয়া সোণ” বুলি অভিহিত কৰা হয়। বাঁহৰ গাজটোৰ পৰা এছাৰি ডাললৈকে গছজোপাৰ আটাইবোৰ অংশই বহুলভাৱে ব্যৱহাৰ হয়। বাঁহৰ কাঠি-কামীৰে জেউৰা-জপনা, পাচি-খৰাহী, জাপি, টেবুল, চকী, মাছ ধৰা সামগ্ৰী যেনে – জাকৈ, খালৈ, প’ল-জুলুকি আদি তৈয়াৰ কৰা হয়। বাঁহ ঘৰ বনোৱা কামতো ব্যৱহাৰ কৰা হয়। তাঁতশালৰ প্ৰায়বিলাক সামগ্ৰীয়েই বাঁহৰ পৰা তৈয়াৰ কৰা হয়। বাঁহ গছৰ পৰা কাগজ তৈয়াৰ কৰা হয়।
আটাইতকৈ তীব্ৰ গতিত বিকশিত আৰু এক বৃহৎ জীৱ সমষ্টি উৎপাদনক্ষম, বহুক্ষেত্ৰত কাঠৰ সলনি ব্যৱহাৰপোযোগ্য এবিধ উদ্ভিদ হৈছে বাঁহ | বৃহৎ বাঁহ উৎপাদনকাৰী দেশসমূহৰ ভিতৰত চীনৰ পিছতে ভাৰতবৰ্ষৰ স্থান । গ্রামীণ অঞ্চলত ইয়াৰ প্রচণ্ড ঘনত্ব, প্রাথমিকভাবে গাওঁবোৰত বাঁহৰ সহজলভ্যতা আৰু বিভিন্ন গ্রামাঞ্চলৰ ঘৰত বিভিন্ন বাঁহৰ উৎপাদন যেনে, কঠ, টুকুৰা, মাছমৰা সজুলী ইত্যাদিৰ খুব বেছি চাহিদা আছে বুলি দাবী কৰিব পাৰি। শিল্পৰ বাবে আৱশ্যকীয় উপকৰণ দা আৰু কটাৰাযিবোৰ প্রতিটো পৰিয়ালত অবিচ্ছিন্নভাবে পোৱা যায়। উৎপাদন কার্যক্রম সাধাৰণতে বহিৰগতভাবে পৰিচালিত হয় আৰু যদিও পৰিয়ালত পুৰুষ সদস্যৰ প্রাধান্য আছে, পুৰুষ আৰু মহিলা পৰিয়ালৰউভয়সদস্যবোৰে ইয়াত অংশ লয়। এই ৰাষ্ট্ৰীয়সামগ্ৰী বেছিভাগ পৰিয়ালত ব্যৱহাৰৰ বাবে কৰা হয় আৰুকেৱলমাত্র অলপ কিছু শতাংশহে বজাৰত বিক্ৰী হয়। পূৰ্ণ সময়ৰ জীৱিকা হিচাবে এই ব্যৱসায়টো কৰা সকলেতেওঁলোকৰ কাৰিগৰা পণ্যবোৰ বজাৰত বিক্ৰী কৰে।
দেশৰ উত্তৰ-পূব অঞ্চলত মুঠ বাঁহ উৎপাদনৰ ৬৫% অৰ্থাৎ প্ৰায় ৯০ মিলিয়ন টন উৎপাদন হয় | ভাৰত চৰকাৰে উত্তৰ-পূব অঞ্চলক কেন্দ্ৰ কৰি ৰাষ্ট্ৰীয় বাঁহ অভিযান (নেচনেল বেম্বো মিশন) আৰম্ভ কৰিছে |
প্লাইউদ আৰু কাগজ কল,ক্ষুদ্ৰ-প্ৰসাৰন আৰু উৎপাদন, বাঁহগাজ প্ৰক্ৰিয়াকৰণ, উদ্যোগজাত উৎপাদন, যান্ত্ৰিক-সামগ্ৰীসমূহ আৰু কৌশল উন্নীতকৰণ আৰু প্ৰশিক্ষণ আদি ক্ষেত্ৰসমূহত বাঁহৰ পুনৰ-উদ্ভাৱনৰ প্ৰচুৰ পৰিমাণে সম্ভাৱনা আছে|