গুৱাহাটী তেল শোধনাগাৰ ( Guwahati Refinery) অসমৰ কামৰূপ মহানগৰ জিলাৰ গুৱাহাটীৰ নুনমাটিত অৱস্থিত এখন খাৰুৱা তেলৰ শোধনাগাৰ। গুৱাহাটী তেল শোধনাগাৰ ভাৰতৰ প্ৰথমটো ৰাজহুৱা খণ্ডৰ প্ৰথমটো শোধনাগাৰ। ১৯৬২ চনত ৰোমানিয়াৰ সহায়ত ১৭.২৯ কোটি টকাত এই শোধনাগাৰটো স্থাপন কৰা হৈছিল। ইয়াৰ ক্ষমতা হৈছে বাৰ্ষিক ১ নিযুত মেট্ৰিক টন। তদানীন্তন ভাৰতৰ প্ৰধানমন্ত্ৰী জৱাহৰলাল নেহৰুয়ে শোধনাগাৰটো উদ্বোধন কৰিছিল। বৰ্তমান ইণ্ডিয়ান অইল কৰ্পোৰেচন লিমিটেডে ইয়াৰ পৰিচালনা কৰে। গুৱাহাটী শোধনাগাৰ অসমৰ দ্বিতীয় তেল শোধনাগাৰ।
১৯৬২ চনৰ ১ জানুৱাৰীত গুৱাহাটীৰ নুনমাটিত গুৱাহাটী শোধনাগাৰ স্থাপন কৰা হৈছিল। গুৱাহাটী শোধনাগাৰ হৈছে ভাৰতৰ প্ৰথম ৰাজহুৱা খণ্ডৰ শোধনাগাৰ আৰু ইণ্ডিয়ান অইল কৰ্পোৰেচন লিমিটেডৰ অন্তৰ্ভুক্ত। শোধনাগাৰটো স্বাধীন ভাৰতৰ প্ৰথম প্ৰধানমন্ত্ৰী পণ্ডিত জৱাহৰলাল নেহৰুৱে উদ্বোধন কৰিছিল। শোধনাগাৰটো ৰোমানিয়ান সহযোগিতাৰে নিৰ্মাণ কৰা হৈছিল আৰু ইয়াৰ ক্ষমতা বছৰি ১.০ নিযুত মেট্ৰিক টন। এই শোধনাগাৰত উজনি অসম তেল ক্ষেত্ৰৰ পৰা প্ৰাপ্ত খাৰুৱা তেলৰ পৰিশোধন প্ৰক্ৰিয়া কৰা হয়। ই অঞ্চলটোৰ শক্তিৰ প্ৰয়োজনীয়তা পূৰণ কৰাত সহায় কৰে।
বৰ্তমান এই শোধনাগাৰৰ উৎপাদিত মুখ্য সামগ্ৰীবোৰ হৈছে
- এলপিজি,
- মটৰ স্পিৰিট (পেট্ৰ’ল),
- এভিয়েচন টাৰ্বাইন ফুৱেল (এটিএফ),
- কেৰাচিন,
- উচ্চ গতিৰ ডিজেল,
- পাতল ডিজেল তেল আৰু
- কেঁচা পেট্ৰ’লিয়াম কোক।
লগতে চাওক – অসমৰ তেল শোধনাগাৰ
তথ্য উৎস
- http://www.hindu.com/2003/11/30/stories/2003113000251100.htm
- পৰমেশ দেৱ চৌধুৰী (২৯ অক্টোবৰ ২০১৩). “অসমৰ শোধানাৰকেইটা”. দৈনিক জনমভূমি: ৪ পৃষ্ঠা.
- “IndianOil Corporation | Guwahati Refinery”. Iocl.com। আহৰণ কৰা হৈছে: 2011-01-09.