গোলাঘাট জিলা || গোলাঘাট জিলাৰ উপায়ুক্ত

ইংৰাজসকল অসমলৈ অহাৰ সময়ত ধনশিৰী নামৰ নৈ খনৰ পাৰত গোলা ( দোকান ) স্থাপন হৈছিল । সেই গোলা শব্দৰ পৰাই পিছলৈ গোলাঘাট নামটো হোৱা বুলি অনুমান কৰা হৈছে । ইংৰাজৰ শাসনকালত এই দৈয়াং-ধনশিৰী উপত্যকা বৃহত্তৰ শিৱসাগৰ জিলাৰ অন্তৰ্গত আছিল। ১৯৮৭ চনৰ ১৫ আগষ্টত গোলাঘাটক এখন জিলা ঘোষণা কৰা হয়।

• এই জিলা খনৰ উত্তৰ দিশে আছে বিশ্বনাথ আৰু মাজুলী জিলা  ।
•  দক্ষিণে নাগালেণ্ড  ।
• পূৱে নাগালেণ্ড আৰু যোৰহাট জিলা  ।
• পশ্চিমে পূৱ কাৰ্বি আংলং জিলা ।

জিলাখনৰ মাটিকালি ৩,৫০২ কিলোমিটাৰ।

১৯৮৭ চনত জিলা ঘোষিত হোৱা এই জিলাৰ জনসংখ্যা ২০১১ চনৰ লোকপিয়ল অনুসৰি ১০,৬৬,৮৮৮ জন। ইয়াৰে ৫,৪৩,১৬১ জন পুৰুষ আৰু ৫,২৩,৭২৭ গৰাকি মহিলা।

 জিলা খনৰ মহকুমা হৈছে গোলাঘাট ,বোকাখাত , ধনশিৰি আৰু মেৰাপানী ।

জিলা খনৰ মাজেৰে পাৰ হৈ যোৱা নৈ- উপনৈ  সমূহ হৈছে  ব্ৰহ্মপুত্ৰ , কাকডোঙা , ধনশিৰি , ঘিলাধাৰী , দৈয়াং , ডিফলু, নামবৰ , গেলাবিল , কলিয়নী , ৰেংমা ।

 জিলা খনৰ মাজেৰে ৩৭ আৰু ৩৯ নং ৰাষ্ট্ৰীয় ঘাই পথ পাৰ হৈ গৈছে । জিলা খনৰ প্ৰধান পৰ্যটন স্থল হৈছে বিশ্ববিখ্যাত  এশিঙিয়া গঁড়ৰ বসতি স্থল  কাজিৰঙা ৰাষ্ট্ৰীয় উদ্যান ।