গোৱালপাৰা জিলা – ইতিহাস – গোৱালপাৰা জিলাৰ উপায়ুক্ত

চীনা পৰিব্ৰাজক হিউৱেনচাঙৰ টোকাৰ আঁত ধৰি চাৰ এডোৱাৰ্ড গেইটে মন্তব্য কৰিছে যে কামৰূপৰ ৰজা কুমাৰ ভাস্কৰ বৰ্মাৰ ৰাজধানী গোৱালপাৰা জিলাত নতুবা কোচবিহাৰত আছিল। ১৭৭৫ চনত গোৱালপাৰা জিলা ব্ৰিটিছসকলৰ অধীনলৈ আহে। ব্ৰিটিছসকলৰ হাতলৈ অহাৰ আগলৈকে গোৱালপাৰা কোচ ৰাজ্যৰ অন্তৰ্গত আছিল। ১৮২৬ চনত ইয়াণ্ডাবু সন্ধি যোগে ব্ৰিটিছে অসম দখল কৰে। ১৮২৬ চনত গোৱালপাৰা জিলাক ব্ৰিটিছ অসমৰ সৈতে সংযুক্ত কৰা হয় আৰু জিলাখনৰ সদৰ কাৰ্যালয় ধুবুৰীত স্থাপন কৰা হয়।

১৯৮৩ চনত পুৰণি গোৱালপাৰা জিলাখনৰ ৩টা মহকুমা- গোৱালপাৰা, ধুবুৰী আৰু কোকৰাঝাৰক জিলা পৰ্যায়লৈ উন্নিত কৰা হয়। নতুনকৈ গঠিত গোৱালপাৰা জিলাৰ সদৰ স্থাপন কৰা হয় গোৱালপাৰা নগৰত। জিলাখনক ২টা মহকুমাত বিভক্ত কৰা হয়- গোৱালপাৰা মহকুমা আৰু উত্তৰ শালমাৰা মহকুমা। ১৯৮৯ চনত কোকৰাঝাৰ আৰু গোৱালপাৰা জিলাৰ বিভাজন ঘটাই বঙাইগাঁও জিলা গঠন কৰা হয়। ফলস্বৰূপে উত্তৰ শালমাৰা মহকুমা বঙাইগাঁও জিলাত অন্তৰ্ভুক্ত হয়। বৰ্তমান জিলাখনৰ মহকুমা দুটা- গোৱালপাৰা আৰু দুধনৈ।

জিলা সদৰ : গোৱালপাৰা টাউন।

গোৱালপাৰা জিলাৰ  ৰাজহ গাঁও : মুঠ ৮৫৯ খন  ।

গোৱালপাৰা জিলাৰ   গাওঁ পঞ্চায়ত : ৮১ খন ।

1. গোৱালপাৰা।
2. মাটিয়া।
3. লক্ষীপুৰ।
4. দুধনৈ।
5. ধূপধোৰা।
6. ৰংজুলি।
7. মৰনৈ ।
8. কৃষ্ণাই ।
9. আগিয়া ।
10. চুনাৰী ।
11. বগুৱান।

• ৩৬ নং দুধনৈ   বিধানসভা সমষ্টি  ।
• ৩৭  নং গোৱালপাৰা পূৱ বিধানসভা সমষ্টি  ।
• ৩৮ নং গোৱালপাৰা পশ্চিম বিধানসভা সমষ্টি  ।
• ৩৯ নং জলেশ্বৰ বিধানসভা সমষ্টি  ।